സംസ്ഥാനത്ത് ഇന്ന് സ്വര്ണവില വീണ്ടും ഇടിവ് നേരിട്ടു. ഗ്രാമിന് 25 രൂപ കുറഞ്ഞ് 13,125 രൂപയിലും പവന് 200 രൂപ താഴ്ന്ന് 1,05,080 രൂപയുമാണ് സ്വര്ണവില. രാജ്യാന്തരവില ഔണ്സിന് 12 ഡോളര് കുറഞ്ഞ് 4035 ഡോളറില് എത്തിയതാണ് കേരളത്തിലും ഇന്ന് വില കുറയാന് ഇടയാക്കിയത്.
വിവിധ കാരറ്റുകളിലെ നിരക്ക്
18 കാരറ്റ് സ്വര്ണത്തിന് ഗ്രാമിന് 10,790 രൂപയും പവന് 86,320 രൂപയുമാണ് ഇന്ന് രേഖപ്പെടുത്തിയത്. 14 കാരറ്റ് സ്വര്ണത്തിന് ഗ്രാമിന് 15 രൂപ കുറഞ്ഞ് 8,410 രൂപയും പവന് 67,280 രൂപയുമാണ് നിരക്ക്. ഒന്പത് കാരറ്റ് സ്വര്ണം ഗ്രാമിന് 10 രൂപ കുറഞ്ഞ് 5,425 രൂപയും പവന് 43,400 രൂപയിലുമാണ് ഇന്ന് വ്യാപാരം നടക്കുന്നത്. ലൈറ്റ് വെയ്റ്റ് ആഭരണങ്ങള്ക്കും ഡയമണ്ട് ആഭരണങ്ങള്ക്കും പ്രധാനമായും 18 കാരറ്റ് സ്വര്ണമാണ് ഉപയോഗിക്കുന്നത് എന്നതിനാല് ഈ വിഭാഗത്തിലും ആവശ്യക്കാര് വര്ധിച്ചേക്കാം.
ജൂലൈ മാസത്തിന്റെ തുടക്കം മുതല് സംസ്ഥാനത്ത് സ്വര്ണവിലയില് വലിയ രീതിയിലുള്ള ഏറ്റക്കുറച്ചിലുകളാണ് കാണാന് സാധിക്കുന്നത്. ജൂലൈ 1-ന് രാവിലെ രേഖപ്പെടുത്തിയ പവന് 1,03,240 രൂപയാണ് ഈ മാസത്തെ ഏറ്റവും കുറഞ്ഞ വില. എന്നാല് തൊട്ടടുത്ത ദിവസങ്ങളില് വില കുതിച്ചുയര്ന്ന് ജൂലൈ 3-ന് പവന് 1,07,800 രൂപ എന്ന ഈ മാസത്തെ ഏറ്റവും ഉയര്ന്ന നിരക്കിലെത്തി. തുടര്ന്ന് ജൂലൈ 4 മുതല് 6 വരെയുള്ള ദിവസങ്ങളില് 1,07,600 രൂപ നിലവാരത്തില് തുടര്ന്ന വില, പിന്നീട് ഘട്ടംഘട്ടമായി താഴേക്ക് ഇറങ്ങുകയായിരുന്നു.
വിലയെ സ്വാധീനിക്കുന്ന ഘടകങ്ങള്
ഡോളര് ശക്തമാകുമ്പോള് ഇന്ത്യ പോലുള്ള രാജ്യങ്ങള് ഇറക്കുമതി കുറയ്ക്കും. സ്വര്ണത്തിന്റെ ഇറക്കുമതിയും കുറയും. ഇതും വിലയിടിവിന് വഴിവയ്ക്കും. ഫലത്തില് ഓഗസ്റ്റ്-സെപ്റ്റംബര് കാലയളവില് സ്വര്ണവില കൂടുതല് താഴാനാണ് സാധ്യതയെന്ന് നിരീക്ഷകര് പറയുന്നു. അതേസമയം, യുദ്ധത്തിന് വിരാമമാവുകയും എണ്ണവിലയും ഡോളറും താഴുകയും ചെയ്താല് സ്ഥിതിമാറും. സ്വര്ണവില തിരിച്ചുകയറും.
Content Highlights: Kerala gold prices fell again, with the price of one sovereign declining by ₹200 to ₹1,05,080 as global gold rates weakened amid changes in international markets